സംസ്ഥാനത്ത്‌ 2397 പേർക്ക്‌ കോവിഡ്‌; 2137 പേർക്കും സമ്പർക്കത്തിലൂടെ രോഗം

തിരുവനന്തപുരം > സംസ്ഥാനത്ത് ഇന്ന് 2397 പേർക്ക് കൂടി കോവിഡ് 19 സ്ഥിരീകരിച്ചു. മുഖ്യമന്ത്രി പിണറായി വിജയനാണ് വാർത്താസമ്മേളനത്തിൽ വിവരങ്ങൾ അറിയിച്ചത്. ഇതില് 2137 പേര്ക്ക് സമ്പര്ക്കത്തിലൂടെയാണ് രോഗം സ്ഥിരീകരിച്ചത്. 2225 പേരാണ് ഇന്ന് രോഗമുക്തി നേടിയത്. ഇന്ന് ആറ് മരണങ്ങള് കോവിഡ് മൂലമാണെന്ന് സ്ഥിരീകരിച്ചു. തിരുവനന്തപുരം ജില്ലയില് രോഗം ശക്തമായി പടരുകയാണ്. ഇന്ന് 408 പേരാണ് തലസ്ഥാനത്ത് രോഗ ബാധിതരായത്. അതിൽ തന്നെ 49 പേരുടെ ഉറവിടം വ്യക്തമല്ല. മലപ്പുറം,തൃശ്ശൂര്, കൊല്ലം ജില്ലകളില് ഇരുനൂറിലേറെ രോഗികളാണുള്ളത്.

തിരുവനന്തപുരം ജില്ലയില് നിന്നുള്ള 408 പേര്ക്കും, മലപ്പുറം ജില്ലയില് നിന്നുള്ള 379 പേര്ക്കും, കൊല്ലം ജില്ലയില് നിന്നുള്ള 234 പേര്ക്കും, തൃശൂര് ജില്ലയില് നിന്നുള്ള 225 പേര്ക്കും, കാസര്ഗോഡ് ജില്ലയില് നിന്നുള്ള 198 പേര്ക്കും, ആലപ്പുഴ ജില്ലയില് നിന്നുള്ള 175 പേര്ക്കും, കോഴിക്കോട് ജില്ലയില് നിന്നുള്ള 152 പേര്ക്കും, കോട്ടയം ജില്ലയില് നിന്നുള്ള 139 പേര്ക്കും, എറണാകുളം ജില്ലയില് നിന്നുള്ള 136 പേര്ക്കും, പാലക്കാട് ജില്ലയില് നിന്നുള്ള 133 പേര്ക്കും, കണ്ണൂര് ജില്ലയില് നിന്നുള്ള 95 പേര്ക്കും, പത്തനംതിട്ട ജില്ലയില് നിന്നുള്ള 75 പേര്ക്കും, ഇടുക്കി ജില്ലയില് നിന്നുള്ള 27 പേര്ക്കും, വയനാട് ജില്ലയില് നിന്നുള്ള 21 പേര്ക്കുമാണ് ഇന്ന് രോഗബാധ സ്ഥിരീകരിച്ചത്.

ആഗസ്റ്റ് 20ന് മരണമടഞ്ഞ കാസര്ഗോഡ് ഉദിനൂര് സ്വദേശി വിജയകുമാര് (55), ആഗസ്റ്റ് 21ന് മരണമടഞ്ഞ വയനാട് വാളാട് സ്വദേശി അബ്ദുള്ള (70), കോഴിക്കോട് ഈസ്റ്റ് ഹില് സ്വദേശി കെ.എം. ഷാഹുല് ഹമീദ് (69), ആഗസ്റ്റ് 26ന് മരണമടഞ്ഞ മലപ്പുറം കോട്ടയ്ക്കല് സ്വദേശിനി ഇയ്യാതുട്ടി (65), ആഗസ്റ്റ് 25ന് മരണമടഞ്ഞ കണ്ണൂര് കുഞ്ഞിപ്പള്ളി സ്വദേശി ആഷിക് (39), കൊല്ലം സ്വദേശി അനീഷ് (30) എന്നിവരാണ് മരണമടഞ്ഞത്. ഇതോടെ ആകെ മരണം 280 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.

സമ്പർക്കം വഴി കൂടുതൽ പേരിലേക്ക് രോഗം പടരുന്ന സഹാചര്യത്തിലേക്ക് നാമെത്തി. ഇവിടെ നാം കാണിക്കുന്നത് രോഗികളുടെ എണ്ണം പെട്ടെന്ന് കൂടാതിരിക്കാനുള്ള ജാഗ്രതായണ്. രോഗികളുടെ എണ്ണം വല്ലാതെ കൂടിയാൽ മരണസംഖ്യയും വല്ലാതെ കൂടാം. നമ്മുടെ ആരോഗ്യ സംവിധാനത്തിന് കൈകാര്യം ചെയ്യാൻ പറ്റാത്ത സ്ഥിതിയുണ്ടാവും. അതുണ്ടാവാന് പാടില്ല.