തിരുവനന്തപുരം വിമാനത്താവളം: സര്‍വ്വകക്ഷി യോഗ അഭിപ്രായങ്ങള്‍ മുഖ്യമന്ത്രി പ്രധാനമന്ത്രിയെ കത്തിലൂടെ അറിയിച്ചു

തിരുവനന്തപുരം> തിരുവനന്തപുരം അന്താരാഷ്ട്ര വിമാനത്താവളം അദാനി ഗ്രൂപ്പിനു കൈമാറാനുള്ള കേന്ദ്ര സര്ക്കാര് തീരുമാനത്തിനെതിരെ ഇന്നുചേര്ന്ന സര്വ്വകക്ഷി യോഗത്തില് ഉയര്ന്ന അഭിപ്രായങ്ങള് മുഖ്യമന്ത്രി പ്രധാനമന്ത്രിയെ കത്തു മുഖേന അറിയിച്ചു.

സംസ്ഥാന സര്ക്കാര് മുഖ്യ പങ്കാളിയായ ഒരു സ്പെഷ്യല് പര്പ്പസ് വെഹിക്കിളിനെ വിമാനത്താവളത്തിന്റെ പ്രവര്ത്തന ചുമതല ഏല്പിക്കണമെന്ന് പല തവണ ഉന്നയിച്ച ആവശ്യം കേന്ദ്രം നിരാകരിച്ചതില് സര്വ്വകക്ഷി യോഗത്തില് പങ്കെടുത്ത രാഷ്ട്രീയ പാര്ട്ടി പ്രതിനിധികള് കടുത്ത അതൃപ്തി രേഖപ്പെടുത്തി.

വിമാനത്താവളം പൊതുമേഖലയില് നിലനിര്ത്തണമെന്നാണ് കേരളത്തിന്റെ പൊതു അഭിപ്രായമെന്ന് യോഗം വിലയിരുത്തി. കൂടുതല് വികസന പ്രവര്ത്തനങ്ങള്ക്കാവശ്യമായ സഹായങ്ങളാണ് കേന്ദ്രം ചെയ്തു തരേണ്ടതെന്നും നേതാക്കള് അഭിപ്രായപ്പെട്ടു.

യോഗത്തില് ഉയര്ന്ന അഭിപ്രായങ്ങളുടെ വിശദാംശങ്ങള് പ്രധാനമന്ത്രിക്കയച്ച കത്തില് ഉള്പ്പെടുത്തിയിട്ടുണ്ട്.