ലാവലിൻ കേസ് സുപ്രീം കോടതി പുതിയ ബഞ്ച്‌ പരിഗണിച്ചില്ല; മാറ്റി

ന്യൂഡൽഹി> ലാവലിൻ കേസ് പരിഗണിക്കുന്നത് സുപ്രീം കോടതി മാറ്റി. സിബിഐ നൽകിയ അപ്പീലാണ് സുപ്രീം കോടതി പരിഗണിച്ചത്. ജസ്റ്റിസ് യു യു ലളിത് അധ്യക്ഷനായ പുതിയ ബഞ്ചിലേക്ക് അയച്ച കേസ് ആ ബഞ്ച് പഴയ ബഞ്ചിലേക്ക് തിരിച്ചയച്ചു. നേരത്തെ ജസ്റ്റിസ് എൻ.വി.രമണ അധ്യക്ഷനായ ബഞ്ചാണ് കേസ് പരിഗണിച്ചിരുന്നത്. ആഗസ്ത് 27 ന് പുതിയ ബഞ്ചിലേക്ക് മാറ്റി.എന്നാൽ ജസ്റ്റിസ് യു യു ലളിത് കേസ് പരിഗണിച്ചില്ല. മുമ്പ് കേട്ട ബഞ്ച് തന്നെ കേൾക്കട്ടെ എന്ന നിലപാടെടുത്തു. തുടർന്ന് സപ്തംബർ 20 നുശേഷം ഉചിതമായ ബഞ്ചിൽ പോസ്റ്റ് ചെയ്യാൻ നിർദേശിച്ച് കേസ് മാറ്റുകയായിരുന്നു.