സംസ്‌ഥാനത്ത്‌ 9258 പേർക്ക്‌ കോവിഡ്‌; നാലു ജില്ലകളിൽ 1000 കടന്നു

തിരുവനന്തപുരം > സംസ്ഥാനത്ത് ഇന്ന് 9258 പേർക്ക്കോവിഡ് സ്ഥിരീകരിച്ചു. 4092 പേർ രോഗവിമുക്തരായി. 8274 പേർക്ക് സമ്പർക്കത്തിലൂടെയാണ് കോവിഡ് ബാധിച്ചത്. 657 പേരുടെ ഉറവിടം കണ്ടെത്താനായിട്ടില്ല. 20 മരണം. കഴിഞ്ഞ 24 മണിക്കൂറിനിടെ 63175 സാമ്പിളുകളാണ് പരിശോധിച്ചത്. 93 ആരോഗ്യ പ്രവർത്തകർക്കും രോഗം സ്ഥിരികരിച്ചു.

ഏറ്റവും കൂടിയ പ്രതിദിന കണക്കാണ് ഇന്നതേത്.ആദ്യമായാണ് പ്രതിദിന നിരക്ക് 9000 കടക്കുന്നത്. നാലു ജില്ലകളിൽ രോഗവ്യാപനം ഇന്ന് 1000 കടന്നു. തിരുവനന്തപുരം(1096), എറണാകുളം(1042), മലപ്പുറം(1016), കോഴിക്കോട്(1146) ജില്ലകളിലാണ് 1000 കടന്നത്.കൊല്ലം 892, തൃശൂര് 812, പാലക്കാട് 633, കണ്ണൂര് 625, ആലപ്പുഴ 605, കാസര്ഗോഡ് 476, കോട്ടയം 432, പത്തനംതിട്ട 239, ഇടുക്കി 136, വയനാട് 108 എന്നിങ്ങനേയാണ് മറ്റ് ജില്ലകളില് ഇന്ന് രോഗ ബാധ സ്ഥിരീകരിച്ചത്.

ഇന്ന് 63 പുതിയ ഹോട്ട് സ്പോട്ടുകള്; 15 പ്രദേശങ്ങളെ ഒഴിവാക്കി. തിരുവനന്തപുരം പേരൂര്ക്കട സ്വദേശി തങ്കപ്പന് (82), പൂവാര് സ്വദേശി ശശിധരന് (63), ചപ്പാത്ത് സ്വദേശി അബ്ദുള് അസീസ് (52), പോത്തന്കോട് സ്വദേശി ഷാഹുല് ഹമീദ് (66), കൊല്ലം ഓയൂര് സ്വദേശി ഫസിലുദീന് (76), കൊല്ലം സ്വദേശി ശത്രുഘനന് ആചാരി (86), കരുനാഗപ്പള്ളി സ്വദേശി രമേശന് (63), തങ്കശേരി സ്വദേശി നെല്സണ് (56), കരുനാഗപ്പള്ളി സ്വദേശി സുരേന്ദ്രന് (66), മയ്യനാട് സ്വദേശി എം.എം. ഷെഫി (68), ആലപ്പുഴ എടത്വ സ്വദേശിനി റസീന (43), നൂറനാട് സ്വദേശി നീലകണ്ഠന് നായര് (92), കനാല് വാര്ഡ് സ്വദേശി അബ്ദുള് ഹമീദ് (73), കോട്ടയം വെള്ളിയേപ്പിള്ളി സ്വദേശി പി.എന്. ശശി (68), മറിയന്തുരത്ത് സ്വദേശിനി സുഗതമ്മ (78), മറിയന്തുരത്ത് സ്വദേശിനി സരോജിനിയമ്മ (81), കുമരകം ഈസ്റ്റ് സ്വദേശിനി സുശീല (54), എറണാകുളം മട്ടാഞ്ചേരി സ്വദേശിനി നിര്മല (74), കരിഗാകുറത്ത് സ്വദേശി പി.വി. വിജു (42), കോഴിക്കോട് കുറ്റിയാടി സ്വദേശിനി ദേവി (75) എന്നിവരാണ് മരണമടഞ്ഞത്. ഇതോടെ ആകെ മരണം 791 ആയി. ഇത് കൂടാതെ ഉണ്ടായ മരണങ്ങള് എന്ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.

ഇന്ന് രോഗം സ്ഥിരീകരിച്ചവരില് 47 പേര് വിദേശ രാജ്യങ്ങളില് നിന്നും 184 പേര് മറ്റ് സംസ്ഥാനങ്ങളില് നിന്നും വന്നതാണ്. 93 ആരോഗ്യ പ്രവര്ത്തകര്ക്കാണ് സമ്പര്ക്കത്തിലൂടെ രോഗം ബാധിച്ചത്. തിരുവനന്തപുരം 27, കണ്ണൂര് 23, എറണാകുളം 11, കാസര്ഗോഡ് 6, പത്തനംതിട്ട, കോഴിക്കോട് 5 വീതം, കോട്ടയം, വയനാട് 4 വീതം, ആലപ്പുഴ 3, കൊല്ലം, തൃശൂര് 2 വീതം, മലപ്പുറം 1 എന്നിങ്ങനെ ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്.എറണാകുളം ജില്ലയിലെ 3 ഐ.എന്.എച്ച്.എസ്. ജീവനക്കാര്ക്കും രോഗം ബാധിച്ചു

സംസ്ഥാനത്തെ വിവിധ ജില്ലകളിലായി 2,46,631 പേരാണ് ഇപ്പോള് നിരീക്ഷണത്തിലുള്ളത്. ഇവരില് 2,15,778 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 30,853 പേര് ആശുപത്രികളിലും നിരീക്ഷണത്തിലാണ്. 3599 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.