കോൺഗ്രസ്‌ ദേശീയ വക്താവ്‌ ഖുഷ്‌ബു ബിജെപിയിൽ ചേർന്നു

ന്യൂഡല്ഹി > കോണ്ഗ്രസില്നിന്ന് രാജിവെച്ച നടി ഖുശ്ബു ബിജെപിയില് ചേര്ന്നു. ഡല്ഹിയില് ബിജെപി ദേശീയ ആസ്ഥാനത്ത് നടന്ന ചടങ്ങില് ഖുശ്ബു ബിജെപിയില് ഔദ്യോഗികമായി അംഗത്വമെടുത്തു. സംസ്ഥാന ചുമതലയുള്ള ജനറല് സെക്രട്ടറിയും കേന്ദ്ര മന്ത്രിയുമായ സി ടി രവിയില്നിന്നാണ് അവര് അംഗത്വമെടുത്തത്.

ഇന്ന് രാവിലെയാണ് ഖുശ്ബു കോണ്ഗ്രസ് അധ്യക്ഷ സോണിയ ഗാന്ധിക്ക് രാജിക്കത്ത് നല്കിയത്. പിന്നീട് അവരെ എഐസിസി ദേശീയ വക്താവ് സ്ഥാനത്തുനിന്ന് പുറത്താക്കിയതായി എഐസിസി പ്രഖ്യാപിച്ചു. രാവിലതന്നെ ഖുശ്ബു ഡല്ഹിയില് എത്തിയിരുന്നു. അവര് ഇന്നുതന്നെ ബിജെപിയില് ചേരുമെന്ന് അഭ്യൂഹങ്ങള് നിലനിന്നിരുന്നു.

പാര്ട്ടിക്കുവേണ്ടി പ്രവര്ത്തിക്കാന് താന് ആഗ്രഹിക്കുന്നെങ്കിലും തനിക്ക് പ്രവര്ത്തിക്കാന് സാധിക്കാത്ത സാഹചര്യമാണ് നിലവിലുള്ളതെന്ന് ചൂണ്ടിക്കാട്ടിയാണ് ഖുശ്ബു സോണിയാ ഗാന്ധിക്ക് രാജിക്കത്ത് നല്കിയത്. അടിസ്ഥാന യാഥാര്ഥ്യങ്ങളുമായി ബന്ധമില്ലാത്ത, ജനസമ്മതിയില്ലാത്ത ചിലരാണ് പാര്ട്ടിയില് കാര്യങ്ങള് തീരുമാനിക്കുന്നതെന്നും പാര്ട്ടിക്കുവേണ്ടി പ്രവര്ത്തിക്കാന് ആഗ്രഹിക്കുന്ന തന്നേപ്പോലുള്ളവര് തഴയപ്പെടുന്നെന്നും അവര് രാജിക്കത്തില് ചൂണ്ടിക്കാണിച്ചിരുന്നു.

അടുത്തിടെയായി കോണ്ഗ്രസ് തമിഴ്നാട് ഘടകവുമായി അവര് അകന്ന് കഴിയുകയായിരുന്നു. ലോക്സഭാ തിരഞ്ഞെടുപ്പില് സീറ്റ് നല്കാത്തത് സംബന്ധിച്ചും ഖുശ്ബുവിന് അതൃപ്തിയുണ്ടായിരുന്നു. കഴിഞ്ഞ ദിവസം പാര്ട്ടി വിടുന്ന കാര്യം സൂചിപ്പിച്ച് ഒരു ട്വീറ്റ് ചെയ്തിരുന്നു. പലരും എന്നില് ഒരു മാറ്റം ആഗ്രഹിക്കുന്നു. ധാരണകള് മാറുകയാണ്. ചിന്തകള്ക്കും ആശയങ്ങള്ക്കും പുതിയ രൂപം എടുക്കുകയാണ്. മാറ്റം അനിവാര്യമാണെന്നും ഖുശ്ബു ട്വീറ്റില് കുറിച്ചിരുന്നു. അടുത്ത വര്ഷം തമിഴ്നാട്ടില് നിയമസഭാ തിരഞ്ഞെടുപ്പ് നടക്കാനിരിക്കെയാണ് ഖുശ്ബുവിന്റെ പുതിയ നീക്കം.