കൊച്ചിയിൽ നാവികസേനയുടെ ഗ്ലൈഡർ തകർന്നുവീണ്‌ രണ്ടുപേർ മരിച്ചു

കൊച്ചി > കൊച്ചിയില് നാവികസേനയുടെ ഗ്ലൈഡര് തകര്ന്നു വീണു. ഗ്ലൈഡറിലുണ്ടായിരുന്ന രണ്ട് പേർ മരിച്ചു. ഉദ്യോഗസ്ഥരായ രാജീവ് ത്സാ, സുനിൽ കുമാർ എന്നിവരാണ് മരിച്ചത്. രാവിലെ 7 മണിയോടെ ബിഒടി പാലത്തിന് സമീപത്താണ് അപകടം സംഭവിച്ചത്.

ഗുരുതരമായി പരിക്കേറ്റ ഇരുവരേയും ഐഎന്എസ് സഞ്ജീവനിയിലേക്ക് മാറ്റിയെങ്കിലും മരിച്ചു. പരിശീലന പറക്കലിന് ഉപയോഗിക്കുന്ന ചെറുവിമാനമാണ് ഗ്ലൈഡര്. ഇതില് രണ്ട് പേര്ക്കാണ് സഞ്ചരിക്കാന് സാധിക്കുക. ഇന്ന് രാവിലെ നാവിക സേനയുടെ ക്വാര്ട്ടേഴ്സില് നിന്ന് പരിശീലനത്തിനായി പോകുമ്പോഴാണ് അപകടം ഉണ്ടായത്. നാവികസേനയുടെ ആസ്ഥാനത്തിന് സമീപത്തുള്ള ബിഒടി പാലത്തിന് സമീപത്താണ് അപകടം ഉണ്ടായത്. പാലത്തിന് സമീപത്തുള്ള റോഡിന്റെ ഒഴിഞ്ഞ ഭാഗത്തേക്കാണ് തകര്ന്നുവീണത്.

Credits Kerala || Deshabhimani ​Online ​News https://ift.tt/2GovNd5