ഇബ്രാഹിംകുഞ്ഞിന്‌ ഗുരുതര ആരോഗ്യ പ്രശ്‌നങ്ങൾ; കസ്റ്റഡിയിൽ വിടാനാവില്ലെന്ന്‌ കോടതി

കൊച്ചി> പാലാരിവട്ടം പാലം അഴിമതി കേസിൽ അറസ്റ്റിലായ മുൻ മന്ത്രി വി കെ ഇബ്രാഹിംകുഞ്ഞിന് ഗുരുതരമായ ആരോഗ്യ പ്രശ്നങ്ങളുണ്ടെന്ന് മെഡിക്കൽ റിപ്പോർട്ട്. അതിനാൽ വിജിലന്സ് കസ്റ്റഡിയില് വിടാനാകില്ലെന്ന് മൂവാറ്റുപുഴ വിജിലന്സ് കോടതി വ്യക്തമാക്കി.

ചികിത്സ സർക്കാർ ആശുപത്രിയിലേക്ക് മാറ്റാൻ സാധിക്കുമോ എന്നറിയിക്കാൻ എറണാകുളം ഡിഎംഒയ്ക്ക് കോടതി നിർദ്ദേശം നൽകി. കസ്റ്റഡി അപേക്ഷയും ജാമ്യാപേക്ഷയും നാളെ കോടതി പരിഗണിക്കും.

ഇബ്രാഹിംകുഞ്ഞിനെ നാല് ദിവസത്തെ കസ്റ്റഡിയിൽ വേണമെന്നാണ് വിജിലൻസ് കോടതിയിൽ ആവശ്യപ്പെട്ടത്.