ബിഹാറിലെ വോട്ടർമാരെ ‌അഭിനന്ദിച്ച്‌ ഇടതുപാർടികൾ

ജനങ്ങളുടെ ജീവിതത്തെയും തൊഴിലിനെയും ബാധിക്കുന്ന വിഷയങ്ങളോട് യുവജനങ്ങളുടെയും പൊതുജനങ്ങളുടെയും പ്രതികരണം പ്രോത്സാഹനജനകമാണ്. രണ്ട് മുന്നണിയും തമ്മിൽ ചെറിയ വോട്ട് വ്യത്യാസം മാത്രമാണ്. ബിജെപി സഖ്യത്തിനു 2019ലെ ലോക്സഭ തെരഞ്ഞെടുപ്പിൽ കിട്ടിയതിനെ അപേക്ഷിച്ച് 12 ശതമാനം വോട്ട് കുറഞ്ഞു.

മുഖ്യമന്ത്രി നിതീഷ്കുമാർ ബിജെപിയോടൊപ്പം പോയതിനെ വോട്ടർമാരിൽ വലിയ വിഭാഗം നിരാകരിച്ചു. 2015ൽ 71 സീറ്റ് കിട്ടിയ ജെഡിയുവിനു ഇക്കുറി 43 സീറ്റാണ് കിട്ടിയത്. പ്രധാനമന്ത്രി നരേന്ദ്രമോഡി വർഗീയ അജണ്ട പ്രചരിപ്പിച്ച് ധ്രുവീകരണത്തിനു ശ്രമിച്ചു. അടച്ചുപൂട്ടൽ സൃഷ്ടിച്ച സാമ്പത്തികദുരിതങ്ങളും കോവിഡ് വ്യാപനം തടയുന്നതിൽ ഉണ്ടായ പരാജയവും തൊഴിലില്ലായ്മയും ഉയർത്തിക്കാട്ടി മഹാസഖ്യം ഇതിനെ ഫലപ്രദമായി നേരിട്ടു.