ഉപാധികളോടെ ചര്‍ച്ചയ്ക്കില്ല, സമരവേദി മാറ്റില്ല; അമിത്ഷായുടെ നിര്‍ദേശം തള്ളി കര്‍ഷകര്‍

ന്യൂഡല്ഹി > കത്തിപ്പടരുന്ന കര്ഷകരോഷം തണുപ്പിക്കാന് കേന്ദ്രആഭ്യന്തരമന്ത്രി അമിത് ഷാ മുന്നോട്ടുവെച്ച നിര്ദേശങ്ങള് തള്ളി കര്ഷകര്. ഡിസംബര് മൂന്നിന് മുന്പ് ചര്ച്ച നടത്തണമെങ്കില് സര്ക്കാര് നിര്ദേശിച്ച സ്ഥലത്തേക്ക് സമരം മാറ്റണമെന്നാണ് അമിത് ഷാ മുന്നോട്ടുവെച്ച ഉപാധി. ഉപാധികളോടെയുള്ള ചര്ച്ചയ്ക്ക് തയ്യാറല്ല എന്ന് ചൂണ്ടിക്കാണിച്ച് 30 കര്ഷക സംഘടനകളാണ് അമിത് ഷായുടെ നിര്ദേശം തള്ളിയത്.

സര്ക്കാര് നിശ്ചയിച്ച ബുറാഡി മൈതാനത്തേക്ക് സമരവേദി മാറ്റേണ്ടതില്ലെന്നാണ് അഖിലേന്ത്യ കോര്ഡിനേഷന് സമിതിയുടെ തീരുമാനം. അതേസമയം രാജ്യത്തിന്റെ പലഭാഗത്തുനിന്നും കര്ഷകര് ഡല്ഹിയിലേക്ക് മാര്ച്ച് ചെയ്യുകയാണ്. ദേശീയപാതയിലെ സമരം പുരോഗമിച്ചു കൊണ്ടിരിക്കുകയാണ്. കര്ഷകദ്രോഹ നിയമങ്ങള് പിന്വലിക്കണമെന്ന ആവശ്യത്തില്നിന്ന് പിന്നോട്ടില്ലെന്ന് തന്നെയാണ് കര്ഷകരുടെ നിലപാട്.