നാദാപുരത്ത് അക്രമം അഴിച്ചുവിട്ട് ലീഗ്; 5 പൊലീസുകാര്‍ക്ക് പരിക്ക്, 2 വാഹനങ്ങള്‍ തകര്‍ത്തു

നാദാപുരം > വോട്ടെടുപ്പ് പുരോഗമിക്കുന്നതിനിടെ നാദാപുരത്ത് അക്രമം അഴിച്ചുവിട്ട് മുസ്ലിം ലീഗ്. തെരുവമ്പറമ്പ് ചിയ്യൂരില് ലീഗ് പ്രവര്ത്തകര് പൊലീസിന് നേരെ കല്ലെറിഞ്ഞു. 5 പൊലീസുകാര്ക്ക് പരിക്കേറ്റു. ചിയ്യൂര് സ്കൂളിലെ ബൂത്തിന് സമീപത്ത് കുട്ടംകൂടി നില്ക്കുകയായിരുന്ന ലീഗ് പ്രവര്ത്തകരോട് പിരിഞ്ഞ് പോകാന് പറഞ്ഞിട്ടും കുട്ടാക്കിയില്ല. വീണ്ടും അഭ്യര്ഥിച്ചപ്പോള് പൊലീസിനെ കല്ലെറിയുകയായിരുന്നു.

ഫോട്ടോ: പി വി സുജിത്

ഫോട്ടോ: പി വി സുജിത്

സ്ഥലത്തെത്തിയ നാദാപുരം സിഐ എന് സുനില് കുമാര് കണ്ണീര്വാതകം പ്രയോഗിച്ചതോടെയാണ് ലീഗുകാര് പിരിഞ്ഞു പോയത്. സി ഐ എന് സുനില് കുമാര്, എസ് ഐ ശ്രീജേഷ്, സിവില് പൊലീസ് ഓഫീസര്മാരായ കെ സുധീര് ബാബു, സരീഷ്, സുരേന്ദ്രന് എന്നിവര്ക്കാണ് പരിക്കേറ്റത്. രണ്ട് പൊലീസ് ജീപ്പും കല്ലേറില് തകര്ന്നിട്ടുണ്ട്. 45 പേര്ക്കെതിരെ കേസ് രജിസ്റ്റര് ചെയ്തിട്ടുണ്ട്. പകല് 12.30 നാണ് സംഭവം.