തര്‍ക്കം പരിഹരിക്കാന്‍ നിയമനിര്‍മ്മാണം വേണം; യാക്കോബായസഭ ഭീമഹര്‍ജി സമര്‍പ്പിച്ചു

തിരുവനന്തപുരം > സഭാ തര്ക്കം പരിഹരിക്കാന് നിയമനിര്മ്മാണം നടത്തണമെന്നാവശ്യപ്പെട്ട് യാക്കോബായാ സഭാ നേതൃത്വം സംസ്ഥാന സര്ക്കാരിനെ സമീപിച്ചു. അഞ്ച് ലക്ഷം വിശ്വാസികള് ഒപ്പിട്ട ഭീമ ഹര്ജി സര്ക്കാരിന് സമര്പ്പിച്ചു. വ്യവസായമന്ത്രി ഇ.പി. ജയരാജന് ഹര്ജി സ്വീകരിച്ചു. 2020 ലെ സെമിത്തേരി ബില് അടക്കം സര്ക്കാര് സ്വീകരിച്ചുവരുന്ന നടപടികള് ധീരമെന്നും പള്ളിത്തര്ക്കത്തിലും സമാനമായ രീതിയില് നിയമ നിര്മ്മാണം ആവശ്യമെന്നുമാണ് യാക്കോബായ സഭാ നേതൃത്വത്തിന്റെ അവശ്യം.

പള്ളികളില് റഫറണ്ടം നടത്തി ഭൂരിപക്ഷവും ന്യൂനപക്ഷവും തിരിച്ച് ഭാഗംവെക്കുന്ന അവസ്ഥയേ സാമുദായിക പ്രശ്നത്തിന് പരിഹാരമാകൂ എന്ന് യാക്കോബായാസഭ വ്യക്തമാക്കി. മലബാറിലെ മിക്ക പള്ളികളിലും ഇരു വിഭാഗങ്ങളും ഇത് പരീക്ഷിച്ച് വിജയിച്ചതാണെന്നും സഭ ചൂണ്ടിക്കാട്ടുന്നു. 2017 ലെ സുപ്രീം കോടതി വിധി പ്രകാരവും, കെ.എസ് വര്ഗീസ് കേസിലെ നിര്ദേശ പ്രകാരവും നിയമനിര്മ്മാണം സാധ്യമാണെന്നും സഭ വിലയിരുത്തുന്നു. നൂറ്റാണ്ടുകളായുള്ള സഭാ തര്ക്കം കോടതിവിധിയിലൂടെ മാത്രം പരിഹരിക്കാനാവില്ലെന്നും സര്ക്കാര് ഇടപെടണമെന്നാണ് ഭീമ ഹര്ജിയുടെ ഉള്ളടക്കം.

തിരുമേനിമാരായ മാത്യൂസ് മോര് തേവോദോസിയോസ്, മാത്യൂസ് മോര് അന്തിമോസ് , വൈദിക ട്രസ്റ്റീ സ്ലീബാ വട്ടാവേലില് കോര് -എപ്പിസ്കോപ്പ, അല്മായ ട്രസ്റ്റി ഷാജി ചൂണ്ടയില്, ഫാദര്. ജോര്ജി ജോണ് കട്ടച്ചിറ, ഷെവ. അലക്സ് എം ജോര്ജ് എന്നിവര് വ്യവസായമന്ത്രിയുടെ ചേമ്പറിലെത്തി ഭീമ ഹര്ജി കൈമാറി.