അനില്‍ പനച്ചൂരാന്‍ അന്തരിച്ചു

തിരുവനന്തപുരം> പ്രശസ്ത കവിയും ഗാനരചയിതാവുമായ അനില് പനച്ചൂരാന് അന്തരിച്ചു. കോവിഡ് ബാധിച്ച് ചികിത്സയിലായിരുന്നു. 56 വയസായിരുന്നു. 8.10 നായിരുന്നു അന്ത്യം സംഭവിച്ചത്. ഹൃദയാഘാതമാണ് മരണ കാരണമെന്നാണ് പുറത്തുവരുന്ന വിവരം.

മാവേലിക്കരയിലെയും കരുനാഗപ്പള്ളിയിലെയും സ്വകാര്യ ആശുപത്രിയില് പ്രവേശിപ്പിച്ച അദ്ദേഹത്തെ പിന്നീട് ഗുരുതരാവസ്ഥയില് തിരുവനന്തപുരം കിംസ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.

അറബിക്കഥ എന്ന ചിത്രത്തിലൂടെയാ ണ് അദ്ദേഹം സിനിമാ രംഗത്തെത്തുന്നത്. അറബിക്കഥയിലെ 'ചോര വീണ മണ്ണില് നിന്നുയര്ന്നുവന്ന പൂമരം' എന്ന ഗാനം അദ്ദേഹത്തെ ഏറെ പ്രശസ്തനാക്കി

അറബിക്കഥ ,കഥ പറയുമ്പോള്, മാടമ്പി ,സൈക്കിള് ,നസ്രാണി ,ക്രേസി ഗോപാലന് ,മിന്നാമിന്നിക്കൂട്ടം ,കലണ്ടര് ,ഭ്രമരം, പരുന്ത്, ഷേക്സ്പിയര് എം.എ. മലയാളം
തുടങ്ങി നിരവധി ചിത്രങ്ങള്ക്ക് അദ്ദേഹം ഗാനരചന നിര്വ്വഹിച്ചു. വലയില് വീണ കിളികള്, അനാഥന്,പ്രണയകാലം,ഒരു മഴ പെയ്തെങ്കില്,കണ്ണീര്ക്കനലുകള് എന്നിവയാണ് പ്രധാന കവിതകള്

ആലപ്പുഴ ജില്ലയില് കായംകുളം ഗോവിന്ദമുട്ടത്ത് വാരണപ്പള്ളി പനച്ചൂര് വീട്ടില് 1965 നവംബര് 20നാണ് അദ്ദേഹത്തിന്റെ ജനനം. ഉദയഭാനു, ദ്രൗപതി ദമ്പതികളുടെ മകനാണ്. അനില്കുമാര് പി.യു. എന്നാണ് യഥാര്ത്ഥ പേര്. നങ്ങ്യാര്കുളങ്ങര ടി.കെ.എം. കോളേജ്, തിരുവനന്തപുരം ലോ അക്കാദമി, വാറങ്കല് കാകതീയ സര്വകലാശാല എന്നിവിടങ്ങളില് നിന്നായി വിദ്യാഭ്യാസം പൂര്ത്തിയാക്കി. ഭാര്യ: മായ. മൈത്രേയി, അരുള് എന്നിവരാണ് മക്കള്