തുടർഭരണത്തിന്‌ കരുത്തുറ്റ നിര : സിപിഐ എം സ്‌ഥാനാർഥികളെ പ്രഖ്യാപിച്ചു

തിരുവനന്തപുരം > വികസനവും ക്ഷേമവും ഉറപ്പാക്കുന്ന അഴിമതി രഹിത തുടർഭരണം കേരളത്തിൽ ഉറപ്പാക്കാൻ കരുത്തുറ്റ സ്ഥാനാർഥികളെ സിപിഐ എം പ്രഖ്യാപിച്ചു. പാർടിയുടെ ഉന്നത ജനകീയ നേതാക്കളും യുവാക്കളും കലാകാരൻമാരും വിവിധമേഖലകളിലെ വിദഗ്ധരുമടങ്ങുന്ന മികച്ച നിരയാണ് മതനിരപേക്ഷ കേരളത്തിനായി ജനവിധിതേടുന്നത്.

15ാം നിയമസഭാ തെരഞ്ഞെടുപ്പിനായി മുഖ്യമന്ത്രിയും സിപിഐ എം പൊളിറ്റ് ബ്യൂറോ അംഗവുമായ പിണറായി വിജയൻ അടക്കമുള്ള 83 സ്ഥാനാർഥികളെയാണ് സംസ്ഥാന സെക്രട്ടറിയുടെ താൽകാലിക ചുമതലയുള്ള എ വിജയരാഘവൻ ഇന്ന് പ്രഖ്യാപിച്ചത്. 85 മണ്ഡലങ്ങളിലാണ് സിപിഐ എം മത്സരിക്കുന്നത്. 12 വനിതകളും 9 സ്വതന്ത്രരും സ്ഥാനാർഥികളായുണ്ട്. പാർടി സ്ഥാനാർഥികളായി 74 പേരേയും സിപിഐ എം സ്വതന്ത്രരായ 9 പേരെയുമാണ് ഇന്ന് പ്രഖ്യാപിച്ചത്. മഞ്ചേശ്വരം ദേവികുളം മണ്ഡലങ്ങളിലെ സ്ഥാനാർഥികളെ പിന്നീട് പ്രഖ്യാപിക്കും.

പിണറായി വിജയൻ ധർമ്മടം മണ്ഡലത്തിൽനിന്ന് ജനവിധി തേടും . കേന്ദ്ര കമ്മിറ്റിഅംഗവും ആരോഗ്യമന്ത്രിയുമായ കെ കെ ശൈലജ(മട്ടന്നൂർ) , കേന്ദ്ര കമ്മിറ്റിഅംഗങ്ങളായ എം വി ഗോവിന്ദൻ(തളിപറമ്പ്) , കെ രാധാകൃഷ്ണൻ (ചേലക്കര)എന്നിവരും സംസ്ഥാന സെക്രട്ടേറിയറ്റ് അംഗവും മന്ത്രിമാരുമായ എം എം മണി(ഉടുമ്പൻചോല ), ടി പി രാമകൃഷ്ണൻ (പേരാമ്പ്ര), സെക്രട്ടേറിയറ്റ് അംഗങ്ങളായ പി രാജീവ് (കളമശ്ശേരി), കെ എൻ ബാലഗോപാൽ(കൊട്ടാരക്കര) എന്നിവരും മത്സരരംഗത്തുണ്ട്. കലാകാരൻമാരായ മുകേഷും (കൊല്ലം)ദലിമയും (അരൂർ) , അസ്ഥിരോഗ വിദഗ്ധനായ ഡോ ജെ ജേക്കബും (തൃക്കാക്കര)മത്സരരംഗത്തുണ്ട്.

വിദ്യാർഥി യുവജന രംഗത്തുള്ള 13 പേർ മത്സരിക്കുന്നു.ഇതിൽ 4 പേർ 30 വയസിന് താഴെയുള്ളവരാണ്. കഴിഞ്ഞ നിയമസഭയിലുണ്ടായിരുന്ന 33എംഎൽഎമാരും 5 മന്ത്രിമാരും മത്സരിക്കുന്നില്ല.

പട്ടിക താഴെ

Credits Kerala || Deshabhimani ​Online ​News https://ift.tt/3clmlTZ