ടിപിആര്‍ കൂടിയ മേഖലകളില്‍ ആവശ്യമെങ്കില്‍ നിരോധനാജ്ഞ, ബസില്‍ നിന്നുള്ള യാത്രയില്ല: കൂടുതല്‍ കോവിഡ് നിയന്ത്രണങ്ങള്‍

തിരുവനന്തപുരം> കോവിഡ് വ്യാപനം തടയാന് കൂടുതല് നിയന്ത്രണങ്ങള് പ്രഖ്യാപിച്ച് സംസ്ഥാന സര്ക്കാര്.കോവിഡ് വ്യാപനം രൂക്ഷമായ സാഹചര്യത്തിലാണ് സംസ്ഥാനത്ത് വീണ്ടും നിയന്ത്രണങ്ങള് ശക്തമാക്കാന് തീരുമാനിച്ചത്. ടെസ്റ്റ് പോസിറ്റിവിറ്റി നിരക്ക്(ടിപിആര്) കൂടിയ മേഖലകളില് ജില്ലാ മജിസ്ട്രേറ്റുമാര്ക്ക് നിരോധനാജ്ഞ പ്രഖ്യാപിക്കാനുള്ള അധികാരവും സര്ക്കാര് ഇറക്കിയ ഉത്തരവിലുണ്ട്.

ഇഫ്താര് വിരുന്നുകള് ഉള്പ്പെടെയുള്ള ഒത്തുചേരലുകള് കഴിവതും ഒഴിവാക്കാന് ശ്രമിക്കണം. യോഗങ്ങള് പരമാവധി ഓണ്ലൈന് ആക്കണം. ഷോപ്പിങ് മാള്, തിയറ്റര് ഉള്പ്പെടെ എസി ഉള്ള സ്ഥലങ്ങളിലെ ആളുകളെ കുറയ്ക്കണമെന്നും ചീഫ് സെക്രട്ടറിയുടെ ഉത്തരവില് പറയുന്നു.

നിയന്ത്രണങ്ങള് ഇങ്ങനെ


1. സിനിമാ തിയേറ്ററുകളും ഹോട്ടലുകളും റെസ്റ്റോറന്റുകളും ഒരേസമയം അമ്പത് ശതമാനം ആളുകളെ മാത്രമേ പ്രവേശിപ്പിക്കാവൂ. ഹോട്ടലുകളും റെസ്റ്റോറന്റുകളും ഹോംഡെലിവറി പ്രോത്സോഹിപ്പിക്കണം.

2.മെഗാ ഷോപ്പിങ് ഫെസ്റ്റിവലും മറ്റു മേളകളും രണ്ടാഴ്ചത്തേക്ക് നീട്ടിവെക്കണം.

3. ബസുകളില് നിന്നുള്ള യാത്ര അനുവദിക്കില്ല. ഇക്കാര്യം മോട്ടോര് വാഹന വകുപ്പ് അധികൃതര് ഉറപ്പുവരുത്തണം.

4. എ.സി. സംവിധാനമുള്ള മാളുകള് തിയേറ്ററുകള്, ഓഡിറ്റോറിയങ്ങള് എന്നിവിടങ്ങളില് കോവിഡ് പ്രോട്ടോക്കോള് കര്ശനമായി പാലിക്കണം. പ്രവേശനം പരിമിതപ്പെടുത്തണം. ഇവിടങ്ങളില് തെര്മല് സ്ക്രീനിങ് സംവിധാനം ഏര്പ്പെടുത്തണം.

5. സിവില് സപ്ലൈസ്, ഹോര്ട്ടികോര്പ്, കെപ്കോ, മത്സ്യഫെഡ്, മില്മ തുടങ്ങിയ സര്ക്കാര് സ്ഥാപനങ്ങള് ഓണ്ലൈന് വില്പനയും ഹോംഡെലിവറിയും പ്രോത്സാഹിപ്പിക്കണം.

6 എല്ലാ വ്യാപാരസ്ഥാപനങ്ങളും രാത്രി ഒമ്പത് മണിക്ക് അടയ്ക്കണം.

7 യോഗങ്ങളും മറ്റും ഓണ്ലൈനില് സംഘടിപ്പിക്കാന് ശ്രമിക്കണം. ആശുപത്രികളിലെ ഒപികളിലെ തിരക്ക് ഒഴിവാക്കന് ഇ-സഞ്ജീവനി ടെലിമെഡിസിന് ഉള്പ്പെടെയുള്ള സൗകര്യം ഉപയോഗപ്പെടുത്തണം.



Credits Kerala || Deshabhimani ​Online ​News https://ift.tt/3g2YOut