മനുഷ്യത്വത്തിൻ്റെ ഒരുമകൊണ്ട് കൂടുതൽ ചേർന്നുനിന്ന് പ്രവർത്തിക്കാം; ഈസ്‌റ്റർ ആശംസ നേർന്ന്‌ മുഖ്യമന്ത്രി

തിരുവനന്തപുരം > ലോകമെങ്ങുമുള്ള മലയാളികൾക്ക് മുഖ്യമന്ത്രി പിണറായി വിജയൻ ഈസ്റ്റർ ആശംസ നേർന്നു. പ്രതീക്ഷയുടെ പ്രകാശം പരത്തിക്കൊണ്ട് വീണ്ടുമൊരു ഈസ്റ്റർ കൂടി വന്നെത്തുകയാണ്. ഏത് പീഡാനുഭവത്തിൻ്റെ ദുഃഖവെള്ളിക്കുമപ്പുറം അതിജീവനത്തിൻ്റേതായ ഒരു ഉയിർത്തെഴുന്നേൽപ്പുണ്ട് എന്ന പ്രതീക്ഷയുടെ സന്ദേശമാണ് ഈസ്റ്റർ നമുക്ക് നൽകുന്നത്. എല്ലാവിധ വൈജാത്യങ്ങൾക്കുമപ്പുറത്തുള്ള മനുഷ്യത്വത്തിൻ്റെ ഒരുമ കൊണ്ട് കൂടുതൽ ചേർന്നുനിന്ന് പ്രവർത്തിക്കുവാൻ ഈസ്റ്റർ നമുക്ക് പ്രചോദനമാകട്ടെ. എല്ലാ മലയാളികൾക്കും ഈസ്റ്റർ ആശംസകൾ ‐ മുഖ്യമന്ത്രി ആശംസാക്കുറിപ്പിൽ പറഞ്ഞു.