വീണ്ടും അഭിമാനനേട്ടം; രാജ്യത്തെ മികച്ച പ്രാഥമികാരോഗ്യ കേന്ദ്രങ്ങളുടെ പട്ടികയില്‍ ആദ്യ 12 സ്ഥാനവും കേരളത്തിന്

തിരുവനന്തപുരം < സംസ്ഥാനത്തെ ആരോഗ്യമേഖലയ്ക്ക് വീണ്ടും ദേശീയ അംഗീകാരം. രാജ്യത്തെ മികച്ച പ്രാഥമികാരോഗ്യ കേന്ദ്രങ്ങളുടെ വിഭാഗത്തിലും ആദ്യത്തെ 12 സ്ഥാനവും കേരളത്തിനാണ്. തിരുവനന്തപുരം ഒറ്റശേഖരമംഗലം പൂഴനാട് കുടുംബാരോഗ്യ കേന്ദ്രവും കാസര്കോട് കയ്യൂര് രക്തസാക്ഷി സ്മാരക കുടുംബാരോഗ്യ കേന്ദ്രവും 99 ശതമാനം സ്കോര് കരസ്ഥമാക്കി ഇന്ത്യയില് തന്നെ ഒന്നാം സ്ഥാനത്താണ്.

ഇതില് ആകെ 119 ആരോഗ്യ സ്ഥാപനങ്ങള്ക്കാണ് എന്ക്യുഎഎസ് അംഗീകാരമുള്ളത്. ഇതില് മൂന്ന് ജില്ലാ ആശുപത്രികളും നാല് താലൂക്ക് ആശുപത്രികളുമുണ്ട്. 6500ഓളം വിഷയങ്ങള് വിലയിരുത്തിയാണ് എന്ക്യുഎഎസ് അംഗീകാരം നല്കുന്നത്. അംഗീകാരം ലഭിക്കുന്ന പിഎച്ച്സികള്ക്ക് രണ്ടു ലക്ഷം രൂപ വീതവും മറ്റ് ആശുപത്രികള്ക്ക് ഒരു കിടക്കയ്ക്ക് 10,000 രൂപ എന്ന നിലയിലും വാര്ഷിക ഇന്സറ്റീവ്സ് ലഭിക്കും.

സംസ്ഥാനത്തെ 11 ആശുപത്രികള്ക്ക് കൂടി ദേശീയ ഗുണനിലവാര (എന്ക്യൂഎഎസ്) അംഗീകാരം ലഭിച്ചതായി കേന്ദ്ര ആരോഗ്യ മന്ത്രാലയം അറിയിച്ചിട്ടുണ്ടെന്ന് മുഖ്യമന്ത്രി പിണറായി വിജയന് പറഞ്ഞു. മലപ്പുറം അത്താനിക്കല്, കോഴിക്കോട് മൂടാടി, കൊല്ലം ഇളമ്പള്ളൂര്, കണ്ണൂര് പാനൂര്, തൃശൂര് ഗോസായിക്കുന്ന്, തിരുവനന്തപുരം വട്ടിയൂര്ക്കാവ് അര്ബന് പ്രൈമറി ഹെല്ത്ത് സെന്ററുകള്, കണ്ണൂര് ന്യൂ മാഹി, തൃശൂര് പോര്ക്കളേങ്ങാട്, കൊല്ലം മുണ്ടക്കല് അര്ബന് പ്രൈമറി സെന്ററുകള്, കോഴിക്കോട് പുറമേരി, ഇടുക്കി ഉടുമ്പന്ചോല എന്നിവയ്ക്കാണ് ദേശീയ ഗുണനിലവാര അംഗീകാരമായ എന്ക്യൂഎഎസ് ബഹുമതി ലഭിച്ചത്.

കോവിഡ് പ്രതിരോധ പ്രവര്ത്തനങ്ങള്ക്കിടയിലും സംസ്ഥാനത്തെ ആരോഗ്യ സ്ഥാപനങ്ങള്ക്ക് തുടര്ച്ചയായി എന്ക്യുഎഎസ് കിട്ടുന്നത് വലിയ നേട്ടം തന്നെയാണെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു. അര്ബന് പ്രൈമറി ഹെല്ത്ത് സെന്റര് വിഭാഗത്തില് ഏറ്റവും കൂടുതല് എന്ക്യുഎഎസ് നേടുന്ന സംസ്ഥാനം കേരളമാണ്.