35,636 രോഗികൾ, സംസ്ഥാനത്ത്‌ ചികിത്സയിലുള്ളവർ 3,23,828; രോഗമുക്തർ 12,77,294

തിരുവനന്തപുരം
സംസ്ഥാനത്ത് ശനിയാഴ്ച 35,636 പേർക്ക് കോവിഡ്- സ്ഥിരീകരിച്ചു. കോഴിക്കോട് –-5554, എറണാകുളം–- 5002, തൃശൂർ–- 4070, മലപ്പുറം–- 3354, തിരുവനന്തപുരം –-3111, ആലപ്പുഴ–- 2536, കോട്ടയം–- 2515, പാലക്കാട് –-2499, കൊല്ലം–- 1648, കണ്ണൂർ–- 1484, പത്തനംതിട്ട–- 1065, കാസർകോട് –-1006, ഇടുക്കി –-978, വയനാട് –-814 എന്നിങ്ങനെയാണ് ജില്ലകളിലെ രോഗികൾ.

24 മണിക്കൂറിനിടെ 1,46,474 സാമ്പിൾ പരിശോധിച്ചു. രോഗസ്ഥിരീകരണ നിരക്ക് 24.33 ശതമാനം. ഇതുവരെ ആകെ 1,59,45,998 സാമ്പിൾ പരിശോധിച്ചു.

ദക്ഷിണാഫ്രിക്കയിൽനിന്നു വന്ന ഒരാൾക്ക് 24 മണിക്കൂറിനകം കോവിഡ്- സ്ഥിരീകരിച്ചു. 48 കോവിഡ്- മരണംകൂടി സ്ഥിരീകരിച്ചതോടെ ആകെ മരണം 5356. 4675 പേരെ ശനിയാഴ്ച ആശുപത്രിയിൽ പ്രവേശിപ്പിച്ചു.

15,493 പേർ രോഗമുക്തരായി. 3,23,828 പേർ ചികിത്സയിലുണ്ട്. വിവിധ ജില്ലകളിലെ 6,87,843 പേർ നിരീക്ഷണത്തിലുണ്ട്. 36 പുതിയ ഹോട്ട് സ്പോട്ടുണ്ട്. ഒരു പ്രദേശത്തെ ഒഴിവാക്കി. ആകെ 663.