സർക്കാർ അപ്പീല്‍ അംഗീകരിച്ചു; ഇതരസംസ്‌ഥാന ലോട്ടറി വില്‌പന വേണ്ടെന്ന്‌ ഹൈക്കോടതി

ലോട്ടറികളുടെ നിയന്ത്രണത്തിനായി ചട്ടങ്ങൾ രൂപവൽക്കരിക്കാൻ സംസ്ഥാന സർക്കാരിന് അധികാരമില്ലന്ന സിംഗിൾ ബഞ്ച് ഉത്തരവ് ഡിവിഷൻ ബഞ്ച് റദാക്കിയിട്ടുണ്ട്.നിയമം കൊണ്ടുവരാനുള്ള കേന്ദ്ര സർക്കാരിൻ്റെ അധികാരത്തിന്മേലുള്ള സംസ്ഥാനത്തിൻ്റെ കടന്നുകയറ്റമാണ് ചട്ടഭേദഗതി എന്ന സിംഗിൾ ബഞ്ച് പരാമർശവും ഡിവിഷൻ ബഞ്ച് റദ്ദാക്കി.

ചട്ടങ്ങൾ രൂപീകരിക്കാനുള്ള സംസ്ഥാന സർക്കാരിൻ്റെ അധികാരവും ഡിവിഷൻ ബഞ്ച് ശരിവച്ചു. സിംഗിൾ ബഞ്ച് വിധിക്കെതിരെ സംസ്ഥാന സർക്കാർ സമർപ്പിച്ച അപ്പീലിലാണ് ജസ്റ്റീസുമാരായ എസ്.വി..ഭട്ടി, ബച്ചു കുര്യൻ തോമസ് എന്നിവരടങ്ങുന്ന ഡിവിഷൻ ബഞ്ച് വിധി.സംസ്ഥാന സർക്കാരിനു വേണ്ടി സുപ്രീം കോടതി സീനിയർ അഭിഭാഷകൻ പല്ലവ് ഷിഷോഡിയ , നികുതി വകുപ്പ് സ്പെഷ്യൽ ഗവ. പ്ലീഡർ സി.ഇ.ഉണ്ണികൃഷ്ണൻ എന്നിവർ ഹാജരായി. ഡിവിഷൻ ബഞ്ച് വിധി ഇതരസംസ്ഥാന ലോട്ടറി നടത്തിപ്പുകാർക്ക് കനത്ത തിരിച്ചടിയായി.