യുപിയിലും രാജസ്ഥാനിലും ഇടിമിന്നൽ 28 മരണം

ലഖ്നൗ / ജയ്പുർ > ഞായറാഴ്ച രാജസ്ഥാനിലും ഉത്തർപ്രദേശിലുമായി ഇടിമിന്നലേറ്റ് കുട്ടികൾ ഉൾപ്പെടെ 28 മരണം. രാജസ്ഥാനിലെ ജയ്പുർ, ജലവാർ,ദോൽപുർ ജില്ലകളിൽ ഏഴ് കുട്ടികളടക്കം 18 പേർ മരിച്ചു. ആറ് കുട്ടികൾക്കും ഒരു സ്ത്രീക്കും ഉൾപ്പെടെ 25 പേർക്ക് പരിക്കേറ്റു. പലരുടെയും നില ​ഗുരുതരമാണ്.ജയ്പുരിലെ ആംബർ കോട്ടയ്ക്ക് സമീപം കുന്നിൻ മുകളിൽ സെൽഫിയെടുത്തുകൊണ്ട് നിന്ന് 11 പേരാണ് മരിച്ചത്.

ഉത്തർപ്രദേശിലെ ഫിറോസാബാദ്, കൗശാമ്പി, ഫത്തേപുർ ജില്ലയിൽ രണ്ട് കുട്ടികളടക്കം പത്ത് പേരാണ് മരിച്ചത്. ഉൾനാടൻ ​ഗ്രാമങ്ങളിൽ കൂടുതൽ പേർ മരിച്ചിട്ടുണ്ടോയെന്നറിയാൻ തെരച്ചിൽ തുടരുകയാണ്.