ദത്തെടുക്കൽ അനാഥരെ മാത്രമല്ലെന്ന് 
ബോംബെ 
ഹൈക്കോടതി

നാഗ്പുർ
അനാഥരായതോ പ്രത്യേക പരിചരണം അര്ഹിക്കുന്നവരോ ആയ കുട്ടികള്ക്ക് മാത്രമായി ദത്തെടുക്കൽ നിയമം പരിമിതപ്പെടുത്താനാകില്ലെന്ന് ബോംബെ ഹൈക്കോടതിയുടെ നാഗ്പുർ ബെഞ്ച്.

പ്രായപൂർത്തിയാകാത്ത അനന്തരവളെ ദത്തെടുക്കുന്നതുമായി ബന്ധപ്പെട്ട് ദമ്പതികൾ സമർപ്പിച്ച ഹർജി പരിഗണിച്ചാണ് ജസ്റ്റിസ് മനീഷ് പിറ്റാലെ അധ്യക്ഷനായ സിംഗിൾ ബെഞ്ചിന്റെ നിരീക്ഷണം. ബന്ധുക്കളുടെ കുട്ടികളെ ദത്തെടുക്കാൻ ജുവനൈൽ ജസ്റ്റിസ് ആക്ട് അനുവദിക്കുന്നുണ്ടെന്ന് കോടതി ചൂണ്ടിക്കാട്ടി. മാതൃസഹോദരനും ഭാര്യയും കുട്ടിയെ ദത്തെടുക്കാൻ സമര്പ്പിച്ച അപേക്ഷ നിയമവിരുദ്ധമാണെന്നു കാട്ടി യവത്മല് ജില്ലാ കോടതി നേരത്തെ തള്ളി.