ആയുഷ്‌മാൻ ഭാരത്‌ : ഡിജിറ്റൽ ദൗത്യത്തിന്‌ തുടക്കം

ന്യൂഡൽഹി
ആയുഷ്മാൻ ഭാരത് ഡിജിറ്റൽ ദൗത്യത്തിന് പ്രധാനമന്ത്രി നരേന്ദ്ര മോദി തുടക്കം കുറിച്ചു. പദ്ധതിയുടെ ഭാഗമായി പൗരൻമാർക്ക് ആരോഗ്യവിവരം ഉൾക്കൊള്ളുന്ന തിരിച്ചറിയൽ കാർഡ് നൽകും. 2020 ആഗസ്ത് 15നാണ് ഇതിന്റെ പൈലറ്റ് പദ്ധതി പ്രഖ്യാപിച്ചത്. 130 കോടി ആധാർ ഉപയോക്താക്കളെയും 118 കോടി മൊബൈൽ ഉപയോക്താക്കളെയും 43 കോടി ജൻധൻ അക്കൗണ്ടിനെയും ബന്ധിപ്പിക്കാനുള്ള സൗകര്യമുണ്ടെന്ന് മോദി പറഞ്ഞു.

ആരോഗ്യസേവനം ഉറപ്പാക്കാൻ സാങ്കേതികവിദ്യയുടെ സാധ്യത ഉപയോഗിക്കുന്ന പദ്ധതിയാണ് ആയുഷ്മാൻ ഭാരത് ഡിജിറ്റൽ ദൗത്യം. ആറ് സംസ്ഥാനത്തും കേന്ദ്രഭരണപ്രദേശങ്ങളിലും പരീക്ഷണാടിസ്ഥാനത്തിൽ പദ്ധതി നടപ്പാക്കി.