തെയ്യം കലാകാരൻ സൂരജ് പണിക്കർ വാഹനാപകടത്തിൽ മരിച്ചു

കാഞ്ഞങ്ങാട് > ദേശീയപാതയില് പടന്നക്കാട് മേല്പ്പാലത്തിന് സമീപം സ്കൂട്ടിയില് ലോറിയിടിച്ച് പ്രശസ്ത തെയ്യംകലാകാരന് മരിച്ചു. കിഴക്കുംകരയിലെ പരേതനായ കൃഷ്ണന്പണിക്കര്-അമ്മിണി ദമ്പതികളുടെ മകന് സൂരജ് പണിക്കര്(44) ആണ് മരിച്ചത്.

ഇന്നലെ എട്ടുമണിയോടെയാണ് അപകടം. പരിക്കേറ്റ സൂരജിനെ ഉടന് സമീപത്തെ ആശുപത്രിയിലും തുടർന്ന് കണ്ണൂര് മെഡിക്കല് കോളേജ് ആശുപത്രിയിലും പ്രവേശിപ്പിച്ചു. ചികിത്സക്കിടെ ഇന്ന് പുലര്ച്ചെയാണ് മരിച്ചത്.

നീലേശ്വരം അഞ്ഞൂറ്റമ്പലം വീരര്കാവില് കളിയാട്ടം കണ്ടശേഷം ആനന്ദാശ്രമം കെഎസ്ഇബി സബ്സ്റ്റേഷന് സമീപത്തെ വീട്ടിലേക്ക് മടങ്ങിവരുമ്പോഴാണ് അപകടം.

മാവുങ്കാൽ ഉദയം കുന്ന് വിഷ്ണുമൂർത്തി ദേവസ്ഥാനത്ത് നിന്നാണ് ആചാരം കൊണ്ട് പണിക്കർ സ്ഥാനം ഏറ്റെടുത്ത് . ഭൈരവൻ, മൂവാളംകുഴി ചാമുണ്ഡി, വിഷ്ണു മൂർത്തി ,ഭൂതം തെയ്യം ,പെട്ടൻ തെയ്യം എന്നി തെയ്യങ്ങളുടെ നർത്തകനാണ് .

ലതികയാണ് ഭാര്യ. മക്കള്: സായൂജ്, സഞ്ജന(ഇരുവരും വിദ്യാര്ത്ഥികള്). സഹോദരങ്ങള്: സുജീഷ് പണിക്കര്, സുജിത്ത്

അപകടത്തിടയാക്കിയ ആർ ജെ. ജി ഡി .5240 നമ്പർ ലോറി ഹോസ്ദുർഗ് പോലിസ് കസ്റ്റഡിലെടുത്തു.