ആദ്യ റോക്കറ്റ്‌ വിക്ഷേപണത്തിന്‌ 58 വർഷം ; തുമ്പയിൽനിന്ന്‌ പറന്നുയർന്ന ചരിത്രം

തിരുവനന്തപുരം
ഇന്ത്യയിലെ ആദ്യ റോക്കറ്റ് വിക്ഷേപണത്തിന് 58 വർഷം. തിരുവനന്തപുരം തുമ്പ സെന്റ് മേരി മഗ്ദലന പള്ളിക്ക് മുന്നിലെ തെങ്ങിൻതോപ്പിലെ വിക്ഷേപണത്തറയിൽനിന്ന് 1963 നവംബർ 21ന് കുതിച്ചുയർന്നത് ഇന്ത്യൻ ബഹിരാകാശഗവേഷണത്തിന്റെ ചരിത്രമായിരുന്നു. കാലാവസ്ഥാ പഠനത്തിനുള്ള യുഎസ് നിർമിത നൈക്ക് അപ്പാച്ചെയായിരുന്നു വിക്ഷേപിച്ചത്.

അൾത്താരയ്ക്ക് മുന്നിലാണ് റോക്കറ്റ് യോജിപ്പിച്ചത്. പള്ളിയും അടുത്തുള്ള ബിഷപ് ഹൗസും റോക്കറ്റ്ലോഞ്ചിങ് സ്റ്റേഷനായി. അടുത്തുള്ള പ്രൈമറി സ്കൂൾ കെട്ടിടം ആദ്യംലോഞ്ച് ഓഫീസും പിന്നീട് ടെക്നിക്കൽ ലൈബ്രറിയുമായി. പഴയ കാലിത്തൊഴുത്ത് സ്പേസ് ലാബായി. ബിഷപ് ഹൗസ് വിക്ഷേപണകേന്ദ്രം ഡയറക്ടറുടെ ഓഫീസായി. ഡി ഈശ്വർദാസ് റോക്കറ്റ് സംയോജിപ്പിച്ചു. സുരക്ഷാചുമതല പിൽക്കാലത്ത് രാഷ്ട്രപതിയായ എ പി ജെ അബ്ദുൾ കലാമിനായിരുന്നു. ഭൂമധ്യരേഖയോട് അടുത്ത സ്ഥലമായതിനാലാണ് തുമ്പ റോക്കറ്റ് സ്റ്റേഷനായത്.