ഷമിയെ പിന്തുണച്ചു ; കോഹ്‌ലിയുടെ 9 മാസമായ മകള്‍ക്ക് ബലാത്സംഗ ഭീഷണി

ന്യൂഡൽഹി
സഹതാരം മുഹമ്മദ് ഷമിയെ മതത്തിന്റെ പേരിൽ ആക്രമിക്കുന്നതിനെ അപലപിച്ച ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്ലിയുടെ ഒമ്പത് മാസം പ്രായമുള്ള മകള്ക്ക് ബലാത്സം​ഗ ഭീഷണി. കോഹ്ലിയുടെയും ഭാര്യയും നടിയുമായ അനുഷ്കയുടെയും ട്വിറ്റർ അക്കൗണ്ടുകളിലാണ് തീവ്രഹിന്ദുത്വ ആശയവാദികളുടെ ഭീഷണി. ഡൽഹി വനിതാ കമീഷൻ (ഡിസിഡബ്ല്യു) സ്വമേധയാ കേസെടുത്തു.

ട്വന്റി 20 ലോകകപ്പിൽ പാകിസ്ഥാനെതിരായ മത്സരത്തിൽ 18–--ാം ഓവറില് ഷമി 17 റണ്സ് വഴങ്ങി. പിന്നാലെ സൈബർ ആക്രമണമുണ്ടായി. മതത്തിന്റെ പേരിൽ ഒരാളെ ആക്രമിക്കുന്നത് ​ദയനീയമാണെന്ന് കോഹ്ലി പ്രതികരിച്ചു. ഇതാണ് തീവ്രഹിന്ദുത്വവാദികളെ ചൊടിപ്പിച്ചത്.