സ്വകാര്യ ബസ്‌ 
സമരം 9 മുതൽ

തിരുവനന്തപുരം
ബസ് ചാർജ് വർധനയുൾപ്പെടെയുള്ള ആവശ്യങ്ങൾ ഉന്നയിച്ച് ചൊവ്വ മുതൽ അനിശ്ചിതകാലത്തേക്ക് സ്വകാര്യ ബസ് സർവീസ് നിർത്തിവയ്ക്കുമെന്ന് ബസ് ഉടമ സംയുക്ത സമിതി.

മിനിമം ചാർജ് 12ഉം കിലോമീറ്റർ നിരക്ക് ഒരു രൂപയുമാക്കുക, വിദ്യാർഥികൾക്ക് മിനിമം ചാർജ് ആറ് രൂപയും തുടർന്നുള്ള ചാർജ് 50 ശതമാനവും ആക്കുക, കോവിഡ് കഴിയുംവരെ വാഹന നികുതി ഒഴിവാക്കുക തുടങ്ങിയ ആവശ്യങ്ങളുന്നയിച്ചാണ് സമരം. ഗതാഗതമന്ത്രിക്ക് ഈയാവശ്യമുന്നയിച്ച് നിവേദനം നൽകിയിരുന്നതായി സംയുക്ത സമിതി ഭാരവാഹികൾ പറഞ്ഞു.