ഇടുക്കി ഡാം ഇന്ന് രണ്ടിന് തുറക്കും; ജാഗ്രതാനിര്‍ദേശം നല്‍കിയതായി മന്ത്രി റോഷി അഗസ്റ്റിന്‍

ഇടുക്കി > ജലനിരപ്പ് ഉയരുന്ന സാഹചര്യത്തില് ഇടുക്കി അണക്കെട്ട് ഇന്ന് ഉച്ചയ്ക്ക് രണ്ട് മണിക്ക് തുറക്കുമെന്ന് മന്ത്രി റോഷി അഗസ്റ്റിന് അറിയിച്ചു. അണക്കെട്ടിന്റെ ഒരു ഷട്ടറാണ് ഇന്ന് തുറക്കുന്നത്. സെക്കന്ഡില് 40 ഘനയടി വെള്ളമാണ് ഒഴുക്കി വിടുന്നത്. അണക്കെട്ട് തുറക്കുന്നതിന്റെ ഭാഗമായി ജാഗ്രതാ നിര്ദ്ദേശം നല്കിയതായി മന്ത്രി വ്യക്തമാക്കി. ആവശ്യമെങ്കില് കൂടുതല് വെള്ളം ഒഴുക്കിവിടുമെന്നും അദ്ദേഹം പറഞ്ഞു.

ശനിയാഴ്ച വൈകിട്ടോടെ അണക്കെട്ട് തുറക്കുമെന്ന് അറിയിപ്പ് വന്നെങ്കിലും പിന്നാലെ അത് പിന്വലിച്ചിരുന്നു. മഴ ശക്തമായി തുടരുന്ന സാഹചര്യത്തിലാണ് ഇന്ന് ഷട്ടര് തുറക്കാന് തീരുമാനിച്ചത്.

നിലവില് 2398.72 അടിയാണ് ഇടുക്കിയിലെ ജലനിരപ്പ്. 2399.03 അടിയില് ജലനിരപ്പ് എത്തുമ്പോള് റെഡ് അലേര്ട്ട് പ്രഖ്യാപിക്കും.