മോദിക്ക്‌ 12 കോടിയുടെ പുതിയ കാർ

ന്യൂഡൽഹി
പ്രധാനമന്ത്രി നരേന്ദ്ര മോദിക്ക് അത്യാധുനിക സുരക്ഷാ സംവിധാനങ്ങളുള്ള പുതിയ കാർ. 12 കോടി വിലവരുന്ന മെഴ്സിഡസ് ബെൻസ്- മേബാക്ക് എസ് 650 ഗാർഡിലാകും ഇനി യാത്ര. സ്ഫോടനത്തെയും വെടിയുണ്ടകളെയും അതിജീവിക്കാൻ ശേഷിയുള്ളതാണ് വാഹനം. യന്ത്രത്തോക്കില് നിന്ന് വെടിയേറ്റാലും ചില്ല് തകരില്ല. 15 കിലോ വരെ സ്ഫോടകവസ്തു ഉപയോ​ഗിച്ച് രണ്ടു മീറ്റർ ദൂരെനിന്ന് ഉണ്ടാകുന്ന സ്ഥോടനത്തെ അതിജീവിക്കാം. അത്യാവശ്യമെങ്കില് വാഹനത്തിനകത്തുള്ളവര്ക്ക് ഉപയോ​ഗിക്കാന് പ്രത്യേക വായുവിതരണ സംവിധാനം ഉണ്ട്.വേഗം മണിക്കൂറിൽ 160 കിലോമീറ്റര് വരെ.