ഷാൻ, രഞ്‌ജിത് വധം പിടിയിലായത്‌ പിന്നിൽ പ്രവർത്തിച്ചവർ: എഡിജിപി

ആലപ്പുഴ
ആലപ്പുഴയിലെ ഷാൻ, രഞ്ജിത് കൊലക്കേസുകളിൽ പിടിയിലായവർ കൊലപാതകത്തിന് പിന്നിൽ പ്രവർത്തിച്ചവരാണെന്ന് എഡിജിപി വിജയ് സാഖറെ ദൃശ്യമാധ്യമങ്ങളോട് പറഞ്ഞു. ഇവർ കൃത്യത്തിൽ നേരിട്ട് പങ്കുള്ളവരല്ല. ബിജെപി നേതാവ് രഞ്ജിത്തിന്റെ കൊലപാതകികൾ എസ്ഡിപിഐ പ്രവർത്തകരാണ്.

രണ്ട് കൊലപാതകങ്ങളിലും ഉന്നത ഗൂഢാലോചനയുണ്ട്. സംസ്ഥാന വ്യാപകമായി റെയ്ഡ് നടക്കുന്നുണ്ട്. കൂടുതൽ അറസ്റ്റ് ഉടനുണ്ടാകും. കസ്റ്റഡിയിലുള്ള എസ്ഡിപിഐ പ്രവർത്തകരെക്കൊണ്ട് ജയ് ശ്രീറാം വിളിപ്പിച്ചു എന്ന ആരോപണം തെളിയിച്ചാൽ രാജിവയ്ക്കാമെന്നും വിജയ് സാഖറെ പറഞ്ഞു.