ബാങ്കിങ് തട്ടിപ്പ്, കുംഭകോണം ; രാജ്യത്തിന് പ്രതിദിന നഷ്ടം 100 കോടി

ന്യൂഡല്ഹി
ഏഴുവര്ഷമായി ബാങ്കിങ് തട്ടിപ്പിലൂടെയും കുംഭകോണങ്ങളിലൂടെയും പ്രതിദിനം കുറഞ്ഞത് 100 കോടി രൂപയുടെ നഷ്ടം ഇന്ത്യയിലുണ്ടാകുന്നുവെന്ന് വെളിപ്പെടുത്തി റിസര്വ് ബാങ്ക് ഓഫ് ഇന്ത്യ ഡേറ്റ. 2015-- –16 സാമ്പത്തികവര്ഷം മുതലുള്ള കണക്കുകളുടെ അടിസ്ഥാനത്തിലാണ് റിപ്പോര്ട്ട്. 2015 ഏപ്രില് ഒന്നുമുതല് ഡിസംബര് 31 വരെമാത്രം രണ്ടര ലക്ഷം കോടിയുടെ തട്ടിപ്പ് രാജ്യത്തുണ്ടായി.

രാജ്യത്തിന്റെ സാമ്പത്തിക തലസ്ഥാനമായ മഹാരാഷ്ട്രയിലാണ് 50 ശതമാനം തട്ടിപ്പുകളും അരങ്ങേറുന്നത്. ഡല്ഹി, തെലങ്കാന, ​ഗുജറാത്ത്, തമിഴ്നാട് എന്നിവയാണ് കുംഭകോണപട്ടികയില് ആദ്യ അഞ്ച് സ്ഥാനത്ത്. മൊത്തം തട്ടിപ്പിന്റെ 83 ശതമാനത്തോളം ( ഏകദേശം രണ്ടുലക്ഷം കോടിയിലധികം പണം) സാമ്പത്തികത്തട്ടിപ്പിലൂടെ ഈ സംസ്ഥാനങ്ങളില് നഷ്ടപ്പെട്ടിട്ടുണ്ട്.

വ്യാജരേഖയുണ്ടാക്കി വായ്പ എടുക്കല്, ബാങ്ക് രേഖകളിലും കണക്കുകളിലും തട്ടിപ്പ് നടത്തുക, ദുരൂഹമായ അക്കൗണ്ടുകളിലൂടെ പണംകൈമാറ്റം, വിദേശകറന്സി വിനിമയതട്ടിപ്പ് തുടങ്ങി എട്ട് മാര്​ഗങ്ങളിലൂടെയാണ് കുംഭകോണം. തട്ടിപ്പിനെതിരെ സ്വീകരിച്ച നടപടികളിലൂടെ പ്രതിവര്ഷം തട്ടിപ്പില് കുറവുവന്നിട്ടുണ്ടെന്ന് ധനമന്ത്രാലയം അവകാശപ്പെട്ടു.