കെഎസ്‌ടിഎ സമ്മേളനത്തിന് 
ആവേശത്തുടക്കം

കൊല്ലം
കേരള സ്കൂൾ ടീച്ചേഴ്സ് അസോസിയേഷൻ (കെഎസ്ടിഎ) 31 –-ാം സംസ്ഥാന സമ്മേളനത്തിനു കൊല്ലത്ത് ഉജ്വല തുടക്കം. ‘നവകേരള സൃഷ്ടിക്കായി അണിചേരൂ, മതനിരപേക്ഷ ജനകീയ വിദ്യാഭ്യാസം ശക്തിപ്പെടുത്തൂ’ എന്ന മുദ്രാവാക്യം ഉയർത്തി ധീരജ് ന​ഗറിൽ (സി കേശവൻ സ്മാരക ടൗൺഹാൾ)ചേർന്ന സമ്മേളനം മുഖ്യമന്ത്രി പിണറായി വിജയൻ ഓൺലൈനായി ഉദ്ഘാടനംചെയ്തു.

സംസ്ഥാന പ്രസിഡന്റ് പി വേണു​ഗോപാലൻ പതാക ഉയർത്തി. ഉദ്ഘാടന സമ്മേളനത്തിൽ പി വേണുഗോപാലൻ അധ്യക്ഷനായി. എഫ്എസ്ഇടിഒ ജനറൽ സെക്രട്ടറി എം എ അജിത്കുമാർ, എം മുകേഷ് എംഎൽഎ എന്നിവർ സംസാരിച്ചു. സ്വാ​ഗതസംഘം ചെയർമാൻ എസ് സുദേവൻ സ്വാ​ഗതവും ജനറൽ സെക്രട്ടറി എൻ ടി ശിവരാജൻ നന്ദിയും പറഞ്ഞു. എ നജീബ് രക്തസാക്ഷി പ്രമേയവും എ കെ ബീന അനുശോചന പ്രമേയവും എൻ ടി ശിവരാജൻ പ്രവർത്തന റിപ്പോർട്ടും ടി കെ എ ഷാഫി കണക്കും അവതരിപ്പിച്ചു.
എൽ മാ​ഗി പ്രസിഡന്റും കെ രാ​ഘവൻ, എ നജീബ് എന്നിവർ അം​ഗങ്ങളുമായ പ്രസീഡിയവും ജനറൽ സെക്രട്ടറി, സെക്രട്ടറിമാർ എന്നിവരടങ്ങിയ സ്റ്റിയറിങ് കമ്മിറ്റിയുമാണ് സമ്മേളന നടപടി നിയന്ത്രിക്കുന്നത്. മറ്റു കമ്മിറ്റികൾ: മിനിറ്റ്സ്–- സി സി വിനോദ്കുമാർ (കൺവീനർ), എം കെ നൗഷാദ്, പി ജെ ബിനേഷ്, സി ബിന്ദു. പ്രമേയം –- കെ രാഘവൻ (കൺവീനർ), എം എ അരുൺകുമാർ, കെ സി മഹേഷ്, ആർ കെ ബിനു. രണ്ടുദിവസത്തെ സമ്മേളനത്തിൽ 568 പ്രതിനിധികളാണ് പങ്കെടുക്കുന്നത്.

വൈകിട്ട് ഇ എം എസ് ന​ഗറിൽ (മുൻസിപ്പൽ സ്റ്റേഡിയം) നടന്ന പൊതുസമ്മേളനം അഖിലേന്ത്യ കർഷകത്തൊഴിലാളി യൂണിയൻ പ്രസിഡന്റ് എ വിജയരാഘവൻ ഉദ്ഘാടനംചെയ്തു. കെഎസ്എഫ്ഇ ചെയർമാൻ കെ വരദരാജൻ സംസാരിച്ചു.