എഐ 
കാമറകൾ
 ഫലം കാണുന്നു ; ട്രാഫിക്‌ നിയമലംഘനങ്ങൾ കുറഞ്ഞു

തിരുവനന്തപുരം
സംസ്ഥാനത്ത് മോട്ടോർ വാഹന വകുപ്പ് പുതിയ കാമറകൾ സ്ഥാപിച്ചതിന് പിന്നാലെ ഗതാഗത നിയമലംഘനങ്ങളിൽ വൻകുറവ്. കാമറകൾ സ്ഥാപിക്കുന്നതുവരെ 2.13 ശതമാനമായിരുന്ന നിയമലംഘനങ്ങൾ പിന്നീടുള്ള ദിവസങ്ങളിൽ 1.41 ആയി. ഈ മാസം 17ന് 1,93,71,728 വാഹനങ്ങൾ കടന്നുപോയപ്പോൾ 450,552 വാഹനങ്ങൾ വിവിധ നിയമലംഘനം നടത്തി. 20ന് 1,90,58,248 വാഹനങ്ങൾ കടന്നുപോയപ്പോൾ 268,380 വാഹനങ്ങൾമാത്രമാണ് നിയമലംഘനം നടത്തിയതെന്ന് അഡീഷണൽ ട്രാൻസ്പോർട്ട് കമീഷണർ പി എസ് പ്രമോജ് പറഞ്ഞു. നിയമലംഘനങ്ങൾക്ക് മെയ് 19വരെ പിഴ ഈടാക്കില്ല.