ഉഷണതരഗ: യപയല 54 മരണ ബലലയ ജലല ആശപതരയൽ 400 പർ ചകതസയൽ

ലഖ്നൗ
ഉഷ്ണതരംഗത്തിന്റെ പിടിയിലമർന്ന ഉത്തർപ്രദേശിൽ 72 മണിക്കൂറിനിടെ 54 പേർ മരിച്ചു. നാനൂറിലധികംപേര് ആശുപത്രിയിലാണ്. ബല്ലിയ ജില്ലാ ആശുപത്രിയിലാണ് എല്ലാ മരണവും റിപ്പോർട്ട് ചെയ്തത്. മരണകാരണം പലതാണെങ്കിലും ചൂടാണ് -അടിസ്ഥാന കാരണമെന്ന് ഡോക്ടര്മാര് പറഞ്ഞു. പനി, ശ്വാസതടസ്സം, മറ്റു ശാരീരിക ബുദ്ധിമുട്ടുകള് എന്നിവയുമായി ആശുപത്രിയിൽ എത്തുന്നവരുടെ എണ്ണവും വര്ധിച്ചിട്ടുണ്ട്. ഒരേസമയം കൂടുതല് രോ​ഗികൾ എത്തിയതോടെ മതിയായ ചികിത്സ എ്ല്ലാവർക്കും കിട്ടാത്ത സ്ഥിതിയാണെന്നും റിപ്പോർട്ടുണ്ട്.

യുപിയിൽ മിക്കയിടത്തും താപനില 40 ഡി​ഗ്രി സെൽഷ്യസിന് മുകളിലാണ്. വ്യാഴാഴ്ച മാത്രം 23 പേർ മരിച്ചു. ഈ പ്രതികൂല കാലാവസ്ഥയ്ക്കിടെ മണിക്കൂറുകൾ നീളുന്ന അപ്രഖ്യാപിത വൈദ്യുതി തടസം സ്ഥിതി രൂക്ഷമാക്കി. ഫാനും എസിയും പ്രവർത്തിപ്പിക്കാനാകാത്ത സ്ഥിതി വലിയ വെല്ലുവിളിയായിട്ടുണ്ട്.

യുപിയിൽ 94 ശതമാനം കുടുംബങ്ങളും അപ്രതീക്ഷിത വൈദ്യുതതടസം നേരിടുന്നുണ്ട്. ഡൽഹി അതിർത്തിയോടുചേർന്ന നോയിഡയിൽപോലും 86 ശതമാനവും ഈ പ്രതിസന്ധിനേരിടുന്നുണ്ടെന്ന് സർവേഫലം പറയുന്നു. മരണങ്ങള് അന്വേഷിക്കുന്നതിനായി ലഖ്നൗവില്നിന്ന് പ്രത്യേക സംഘം എത്തുമെന്ന് ആരോഗ്യവിഭാഗം അഡീഷണൽ ഡയറക്ടർ ഡോ. ബി പി തിവാരി അറിയിച്ചു. ബീഹാറിൽ മൂന്നു ദിവസത്തിനിടെ 44 പേരും മരിച്ചു.