കരിപ്പൂർ വിമാനത്താവള വികസനം: സർവേ നടപടികൾ തുടങ്ങി

കരിപ്പൂർ > കരിപ്പൂർ വിമാനത്താവള വികസനത്തിന് ഭൂമി ഏറ്റെടുക്കാനുള്ള സർവേ നടപടികൾ തുടങ്ങി. മലപ്പുറം ഡെപ്യൂട്ടി കലക്ടർ ജെ ഒ അരുൺ, സ്ഥലമെടുപ്പ് ചുമതലയുള്ള ഡെപ്യൂട്ടി കലക്ടർ എം പി പ്രേംലാൽ എന്നിവരുടെ നേതൃത്വത്തിലുള്ള റവന്യൂ ഉദ്യോഗസ്ഥരാണ് നടപടികൾ തുടങ്ങിയത്. ഉദ്യോഗസ്ഥർ വീടുകൾ കയറി നഷ്ടപരിഹാരത്തുക സംബന്ധിച്ച് ഭൂവുടമകളെ ബോധ്യപ്പെടുത്തി. പ്രദേശവാസികളുടെയും ജനപ്രതിനിധികളുടെയും സാന്നിധ്യത്തിൽ കുമ്മിണിപറമ്പിലെ ഉണ്യാൽ മദ്രസാ ഹാളിൽ യോഗം ചേർന്നശേഷമാണ് ഭൂവുടമകളെ സന്ദർശിച്ചത്. വീടും സ്ഥലവും അളന്ന് രേഖപ്പെടുത്തി.

വിമാനത്താവളത്തിലെ റെസ (റ​ൺ​വേ എ​ൻ​ഡ് സേ​ഫ്റ്റി ഏ​രി​യ) വിപുലീകരിക്കുന്നതിന് 14.5 ഏക്കർ ഭൂമിയാണ് ഏറ്റെടുക്കുന്നത്. റണ്വേയുടെ പടി​ഞ്ഞാ​റ് പ​ള്ളി​ക്ക​ല് വി​ല്ലേ​ജി​ല് ഉള്പ്പെ​ടു​ന്ന ഏ​ഴ് ഏ​ക്ക​റും കി​ഴ​ക്ക് നെ​ടി​യി​രു​പ്പ് വി​ല്ലേ​ജി​ലെ 7.5 ഏ​ക്ക​റു​മ​ട​ക്കം 14.5 ഏ​ക്ക​ര് ഭൂമിയാ​ണ് ഏ​റ്റെ​ടു​ക്കു​ന്ന​ത്. പ​ള്ളി​ക്ക​ൽ വില്ലേജി​ലാ​ണ് തിങ്കളാഴ്ച സ​ർവേ നടപടി തുടങ്ങിയത്. നെ​ടി​യി​രു​പ്പിൽ ബു​ധ​നാ​ഴ്ച തുടങ്ങും.

ആ​കെ 92 കു​ടും​ബ​ങ്ങ​ൾ​ക്കാ​ണ് ഭൂ​മി ന​ഷ്ട​പ്പെ​ടുന്ന​ത്. ഒ​രു ച​തു​ര​ശ്ര അ​ടി സ്ഥ​ല​ത്തി​ന് 4500 രൂപ ന​ൽ​കാ​നാ​ണ് സ​ർ​ക്കാ​ർ തീ​രു​മാ​ന​മെ​ന്ന് ഉദ്യോഗസ്ഥർ അറിയിച്ചു. ക​ഴി​ഞ്ഞ​ദി​വ​സം നടന്ന ഉ​ദ്യോ​ഗ​സ്ഥ- സ​മ​ര​സ​മി​തി ച​ർ​ച്ച​യിലെ തീരുമാനവും ഉദ്യോഗസ്ഥർ ഭൂവുടമകളെ അറിയിച്ചു. പരമാവധി തുക ലഭിക്കണമെന്നാണ് ഭൂവുടമകളുടെ ആവശ്യം. 64 കു​ടും​ബ​ങ്ങ​ൾ​ക്കാ​ണ് വീ​ട് ന​ഷ്ട​പ്പെ​ടു​ക. ഇവർ​ക്ക് പ്ര​ത്യേ​ക ന​ഷ്ട​പ​രി​ഹാ​ര പാ​ക്കേ​ജാ​യി 10 ല​ക്ഷം രൂപവീതം ന​ൽ​കാ​ൻ ക​ഴി​ഞ്ഞ​ദി​വ​സം മ​ന്ത്രി​സ​ഭ തീ​രു​മാ​നി​ച്ചി​രു​ന്നു. ഇ​ത് സ​മ​ര​സ​മി​തിയും ജ​ന​പ്ര​തി​നി​ധി​ക​ളും സ്വാ​ഗ​തം​ചെ​യ്തി​രുന്നു.

പ​ള്ളി​ക്ക​ൽ വി​ല്ലേ​ജി​ൽ 2.79 മു​ത​ൽ 3.29 ല​ക്ഷംവ​രെ​യും നെ​ടി​യി​രു​പ്പി​ൽ 2.40 ല​ക്ഷംമു​ത​ൽ 2.79 ലക്ഷംവ​രെ​യു​മാ​ണ് സെ​ന്റി​ന് സ​ർ​ക്കാ​ർ വി​ല കണ​ക്കാ​ക്കി​യ​ത്. വീ​ടു​ക​ൾ ഉ​ൾ​പ്പെ​ടെ​യു​ള്ള കെ​ട്ടി​ട​ങ്ങ​ൾ​ക്ക് ച​തു​ര​ശ്ര അ​ടി​ക്ക് 3000 മു​ത​ൽ 4500 രൂ​പവ​രെ​യാണ് ന​ഷ്ട​പ​രി​ഹാ​ര​മാ​യി ക​ണ​ക്കാ​ക്കി​യി​ട്ടു​ള്ള​ത്. പഴക്കം, മേ​ൽ​ക്കൂ​ര കോ​ൺ​ക്രീ​റ്റോ ഓടോ, ത​റ​യി​ൽ പ​തി​ച്ചി​രി​ക്കു​ന്ന വ​സ്തു തു​ട​ങ്ങി​യ മാ​ന​ദ​ണ്ഡ​ങ്ങ​ൾ പ്ര​കാ​ര​മാ​ണ് ന​ഷ്ട​പ​രി​ഹാ​രം ക​ണ​ക്കാ​ക്കു​ക. മ​ര​ങ്ങ​ൾ, കി​ണ​റു​ക​ൾ തു​ട​ങ്ങി​യ​വ​ക്കെ​ല്ലാം വെ​വ്വേ​റെ ന​ഷ്ട​പ​രി​ഹാ​രം നൽ​കും. അഞ്ചോളം വീടുകളാണ് തിങ്കളാഴ്ച അളന്ന് രേഖപ്പെടുത്തിയത്.